انشد ك عن ثنتين في موقع الياس
الله خلقهن في الاوادم علامه
لاهن ولد جن ولاهن ولد ناس
من رافقنه ماتشيله اعظامـــــــه
الجواب (( نصايب القبر ))
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وش لك من عذرى تستر الناس
والناس تعشقها ولاهي عشاقه
ماتاخذ الى من توده وبقياس
كمواحدا جاها وانحاش من غثاها
الجواب ((البدله العسكريه ))
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياويش شي فيه خمسة رياجيل
لاانس ولاجان ولاهن بضاعه
اولهم اليا مات باقي بهم جيل
صاروا ثمان كلهم جما عه
الجواب ((اسم عثمان ))
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ابنشدك عن شايب في وسط صندوق
يعطي اعياله كل مادار راسه
لهم على الشايب مطاليب واحقوق
وبتوزيع عيشتهم يذوق التعا سه
الجواب ((الديلكو ))
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
انشدك عن عذرى رقيقة حال
لها في كل الامر سريه
عذرى لجيل يعقب اجيال
بامر من الوالي رب البريه
الجواب ((الوصيه ))
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تحباتي لكم
الأربعاء أبريل 18, 2007 3:22 pm